🚨 वीरगञ्ज महानगरपालिकाको मेयर बन्ने होड : जनताको भविष्यसँग खेलवाड कि विकासको प्रतिबद्धता?

वीरगञ्ज महानगरपालिकाको स्थानीय चुनाव जनताको भविष्यसँग जोडिएको गम्भीर विषय हो, कुनै कमेडी होइन। तर, केही उम्मेदवारका चुनावी वाचा र अभिव्यक्तिले चुनावलाई नै मजाक बनाइरहेको अनुभूति हुन थालेको छ।
कसैले निःशुल्क वाइफाईको वाचा गर्छन्, कसैले विकासका ठूला सपना देखाउँछन्। तर, ती वाचा पूरा गर्ने ठोस योजना, बजेट र समयसीमा खोइ?
वीरगञ्जका नागरिकले सडक, नाला, ढल निकास, खानेपानी र सरसफाइजस्ता आधारभूत समस्याको समाधान खोजिरहेका छन्। यस्तो अवस्थामा उम्मेदवारहरूले जनतालाई आकर्षक नारामात्र होइन, व्यवहारमा लागू गर्न सकिने योजना दिनुपर्छ।
आखिर जनतालाई कहिलेसम्म आश्वासनमै अल्झाउने? सम्बन्धित निकायको ध्यान यस विषयमा किन केन्द्रित भइरहेको छैन?
जनताको मत कुनै मजाक होइन। उम्मेदवारहरूले बुझ्नुपर्छ—भाषण होइन, कामको योजना चाहिन्छ; आश्वासन होइन, जवाफदेहिता चाहिन्छ!
— GT News | जनताको आवाज